بشكيللك يا اما
والشكوى ليكي مش مذلة
الشكوى ليكي حب وعتاب
وكلام من القلب
ووحوش وكلاب
والدنيا أنتي
وانتي المراد
وانتي السما
وترابك اللى على جبين أبويا
ده مش تراب
مراسيل غرام بتبعتيها
وبيان
و ألف ألف جواب
في الحب انتي استاذه ومعلمة
ومهما بعدتي زي السما
ومهما روحتي
روحك هنا متمكنة
****************
شفتي يا أما لما لاقوكي
بعد غربة
راح يدبحوكي
طب ليه ما الخير كتير
ليه يقتلوكي
عشان ميراث؟
يلعن أبوه
دة البصة منك تسوى ألوف
لو يقتلوكي عشان يعيشوا لوحدهم
راح يندموا
راح يندموا
هيلاقوا فين حضن زيك يضمهم
*************************
مصطفى مكاوي
